Mən və SƏN

Bu mən deyiləm...Bu sən deyilsən...Bu məndəki sənsən...Bu sənsən ruhum...Bu sənsən ...Bədənimin sənə dar gəldiyi ruhum...Bu sənsən...Bir qədəh ölüm şərabına susamış ,səhra küləkləri ilə içimdə azmış ruhum...Bu sənsən ...Bu sənsən.. Nifrət pilləkanları ilə dizüstə sevgiyə yüksəlməyə çabalayan ruhum...Bu sənsən...Bu sənsən... Şeytanla əl-ələ tanrılar qapısına qonaq gedən ruhum...Bu sənsən...Bu sənsən... Günah qandalları ilə tanrıların həbsxanasına məhkum olunan ruhum...Bu sənsən...Bu sənsən ...Ürək mənzilinin boş dörd otağında küncə sıxılıb, qalan ruhum...Bu sənsən...Bu sənsən ...Boş insanların içində yüz maskalı aktyor ruhum...Bu sənsən...Bu sənsən...Qaranlıq bədənimin sabahına şam kimi doğan ruhum...Bu sənsən...Bu sənsən...Okean böyüklüyündə həyatın dərinliyində tək qalmış balıq misalı ruhum...Bu sənsən ..Bu sənsən...Gözləri cəmiyyətin çirkabları ilə tutulub günəşə kor baxan ruhum...Bu sənsən...Bu sənsən...Sevgisi qürurun caynaqlarında boğulan ruhum...Bu sənsən...Bu sənsən...Azadlığı bir-iki sətir cümlə ilə olan, əsarət vərəqində müstəqillik edən ruhum...Bu sənsən...Bu sənsən..Həyatın qırıq-quruq, oynadılıb bir küncə atılmış küskün oyuncağı ruhum...Bu sənsən... Bu sənsən... Məni məndən yaxşı başa düşən, tək qalanda məndən qaçmayan tək sevgilim...Bu sənsən...Bu sənsən ...Ruhum...